قصه عن الطيب

(
الكـرم مـن شيـم العـرب وعاداتـهـم يـذكـر ان رجــل
من قبيلة مطيـر هو
عبدالله بن هذال القريفه.. شاعر قديم اشتهر بالشجاعة والكرم الشامخ-رحمه الله-

قدر الله عليه هو وقبيلته يرحلون لديره ثانيه فيها ربيع وعشب لحلالهم
وتحركو لديرتهم الجديده وما شألله عليها هالربيع الطيب والماء الوفير
وعينه خير وكان طريق مكانهم تجيه من قوافل وكان عبدالله القريفه يكرمهم باللحم
وأستمر على هالمنوال إللين جاهم وقت الربيع راح وحلالهم قل ولا يقدرون يكرمون أحد
_قبيلته أتفقو على أن أذا جاهم أحد يعشونه رز بس بدون لحم لقلة حلالهم
وهم كانو ما يبغون عبدالله يتفوق عليهم بالكرم والعلوم الغانمه
فقدر الله عليهم جاتهم قافله وفيها ضيوف ونزلو عند عبدالله تلفت يمين ويسار ما عنده شي
راح لجيرانه يطلبهم ورفضو يعطونه بقولة ما عندنا راح لبني عمه ورفضو يعطونه
لأنهم متفقين لا جاء عبدالله ما يعطونه المهم عبدالله راح لبيته وما عنده إلا ناقته
إللي يعيش منها هو وعياله وذبحها لضيوفه وعزم جيرانه وقبيلته للعشى وقام يرحب
بضيوفه ويقهويهم ولما جاء وقت العشى قال لهم أقلطو _ جماعته متوقعين أن بيعشيهم
رز بدون لحم لكن تفاجئو أنه ذبح ناقته الوحيده المهم قال هالقصيده _ يقول شاعرنا
_

ياجماعـه كيـف مافيكـم حميـا~

كيف صياح الضحى ماتسمعونه~

من يعـاونــي عـلــى ربـــعٍن أهـنـيّــا~

مـن بغـى درب المراجـل يمنعـونـه~

الـمـراجــل مــــا تـهـيــاهـا ســويــا
~
كود من عض النواجـذ فـي سنونـــه ~
ان بغيـت الشـح درب الطيـب عـيــــا
~
حـالــفٍ ن مـــارد نـفـسـي للـمـهـونـه~
 مـاعـلـيّـه مــــن مـنـقـلـت الـحـكـيـا
~
كـان بـاب الـرزق منهـم يقطعـونـه~
 وان بغيت الهون ساس الطيب عيّا
~
حالفٍن ما أرضى لنفسـي المهونـه~

حـالــفن مـاجــوز مـــن جـيـة هـويـا
~
دام بــيــت الله خـلـقــه يـدهـلـونــه ~

ماعلـيـنـا مـــن مـسـاريــد الـقـفـيـا
~
كـان حبـل الـرزق معهـم يقطعونـه~
 مـن لحومـي الدانيـه شفـت الجفيـا
~
مـن بغـى درب الشكـالـه يبهتـونـه~ 

وسلامتكم يالربع

قصه حلوه وقصيدتها احلا وصح لسان شاعرها وسلمت ايدين ناقلها