محاورة بيت الشعر

هذه المحاورة تمت بين بيت الشعر القديم والجديد على لسان احد الشعراء

بيت الشعر دارت عليه المقادير
نوعين كلن قام يشكي خويه
يقول (الاول )منزلي بالعثامير
منازلي ماهي عليكم خفيه
تشوف زولي من بعيد المسايير
ويفرح بشوفي قلب راع المطيه
ملفاي لامروا عسوس ومداوير
واللي حداه الجوع يلفي عليه
وانته جديد ولحموا لك مواسير
يبنيك مخلوق عزومه رديه
تجهل بحالات السلف والمظاهير
واليوم انا سجلت ضدك قضيه

قال (الجديد )الله يمسيك بالخير
تراني افضل منك ميه بميه
انته مضالك دور مافيه تقصير
ومشاكلك تزود عني شويه
تخاف لاهبت عليك المعاصير
والقايله تذوق فيها المنيه
وان ذعذعت تكفخ كما يكفخ الطير
ويلك الياهلت عليك برديه
وانا مكاني بين فله وتسوير
وحطولي مكيف يبرد عليه
مفروش في زل سواة النواوير
والحمد للمولى حياتي هنيه

وسلامتكم

ههههه صح لسانك ياسعود ويعطيك العافيه على النقل الطيب ومحاوره حلوه وانا اشجع بيت الشعر القديم

سلمت ياعلي وانا معك بس الجديد مسيطر على الوضع يالعزوه .

ابداع ومحاوره روعه وسعود اروع والبيت القديم اشجعه٠

أشكر مرورك العذب يالرمالي وإبداعك المتواصل ..

الله على الابيات والمحاوره ومشكور على النقل المميز

ابن عشبان مرورك نولر ووجودك سرور

لك تحياتي

» بيت الشعر=من قصائدي
» احد شعراء عشيرة الغياث يقصد بالبر والصيد وبيوت الشعر