كاملة الوصايف

"من كلماتي"

البارحه قظيت ليلي لحالي
والدمع من عيني على الخد سالي

وقلبي من الهوجاس يصلاه صالي
كني على جمرة غضى حين يصلون

باسباب منهي كامله بالوصوفي
حبه سكن قلبي وواطن بجوفي

ماينوصف حبي لها بالحروفي
غلاه عندي داخل القلب مخزون

هي منوتي ان كانها بالتمني
هي مطلبي هي غايتي جزء مني

هي دنيتي واخراي كنه وكني
نجمين في عالي السما مايتخفون

ذكرتهايوم الخلايق هجوعي
وبكيت لين الدم خالط دموعي

من عقبها أصبح فؤادي جزوعي
مايلام منهو بحب غاليه مفتون

واذا نظرت الشمس وقت الشروقي
ذكرتها وانتل مني خفوقي

أشوفها تسبح بداخل عروقي
وانظر خياله بالقمر صافي اللون

حدين مابيني وبين الحبيب
مسافة ياناس ماهي قريب

حتى شعر راسي من البعد شيب
ولامن طروش لديرة الزين يمشون

أبي سلامي للغظي ينقلونه
يمكن اذا شافه تزايد شجونه

ويذكر وليف(ن) غابت الشمس دونه
أقفى بدون رضاه يمشي على الهون

ماظن ينساني ولاني بناسيه
وانا الذي أفرح لياحل طاريه

أزعل جميع الناس منشان أراضيه
وش عاد لو قالوا لي الناس مجنون

حيث ان وصل الترف واجب علينا
أما نجيه او هو يحن ويجينا

ابو عيون(ن) تسحر الناظرينا
لاسلهمت يصير بالقلب طاعون

وان جيت أوصف كامله بالوصايف
ريانة الأرداف والخصر هايف

له مبسم(ن) فوق الثمان الرهايف
مدري شهد ولا به الدر مكنون

وسلامتكم ،،،

صح لسانك ياسعود قصيده تهبل ‏،..‏ ياليت بس تقولنا هاذي من قصايدك وألا نقل ولاهنت يالمبدع

لاهان راسك يابن رمال والقصيده هذي من كلماتي بس عساها تجمل .

سعود مافيك حيله صح لسانك وبيض الله وجهك قصيده تجمل

الله لايهينك يابن عشبان وإشادتك تكفيني !!
كل الشكر على مرورك الراقي.

صح لسانك ابدعت روعه

لاهنت يالقرم وصح الله حالك .

صح لسانك ياسعود قصيده جزله _ تقبل مروري

صح بدنك وأشكر مرورك...