قصيده مني موجهه للشاعر هديب رضا الغياث

الليل جاني مـع كثيــر التفاكيـــر٠
وانا أهلـي يـوم ليلـي غشانـــي٠
واخذ مع الهاجوس عدة مشاويـــر٠
والقلب ينزف والمشاعر تعانـــي٠
والشعر جرعه عندي علاجها غيـــر٠
يرتاح صدري من ضياق المبانــي٠
يطرى على بالي رجالن مناعيـــر ٠
اللي لهم بالقلب قدر ومكانـــي٠
سطرت قافي لجلهم خير تسطيـــر٠
قافن لابن عشبــان كله معانـــي
ياهديب ابن عيفان مسيت بالخيـــر٠
ياالله عساك بخير طول الزمانـــي٠
افرح لامن جتني علومك تباشيـــر٠
حيثك عزيز وطيب ربعك خذانـــي٠
وانتم على بدع القوافي مشاهيـــر
لكم على نظم القصايد ظمانـــي
وانت غيابك طال من دون تبريـــر
لبدع القصايد مانشــوفك تبانـــي ٠
قطعت عنا ليش جزل التعابيـــر٠
جزل القصيد الــزين والاولانـــي٠
افزع علينا للشعــر عالشواعيـــر٠
اللي بهذا الوقت عله وطمانـــي٠
اللي على هزل القوافي بناشيـــر٠
وصار يتطعج كل كاني ومانـــي٠
صارو بدرب الشعر مثل المساميــر
وبعاليات الشعـر هــدو مبانـــي٠
الوزن مايل وانحرق كل تصويـــر٠
مشوهه تشويه علــي اليمانـــي٠
ماعــاد له هيبـه ولا له تقاديـــر٠
طاح بااثوم الشعب عقب التفانــي٠
ياهديب ابن عيفان صف الطوابيــر٠
ببيوت شعرك وافزع اليوم عانــي٠
الشعر وده فحول عنده تدابيـــر٠
ماتكسر الاوزان وسط المعانــي

صح لسانك وماعليك زود..... انت مبدع ..والله يقدرنا على الرد.

شد حيلك يا هديب ورد على ابن عشبان......
بانتظار الرد؟!

صحححح لسسسانك يابن العم ابدعت وننتظر الرد من الشاعر هديب ع احر من الجمر ٠ موفقين الجميع