خالد عبد الرحمن -الشعر

أحبتي
أحببت أن أشارك معكم في هذا القسم ببعض روائع الفنان والشاعر الكبير خالد عبدالرحمن

أرجو أن تنال إعجابكم




الموقف
عزز الموقف طموحي والأمل = في سبيل الوصل كل شي أعمله


والجزى يا سيدي جنس العمل = افتديتك العمر كله بأكمله


كل شي فيك يا خلي كمل = بالفعل والقول والشكل أجمله


ربي اللي أوجده حسنك شمل = واكتفي أذكر عليك البسمله


العمر أقبل على متنه حمل = كل ما يرضيك والشين أهمله


أعترف لك كل جرحي أندمل = وأن بغيت الصدق وصلك أدمله






أمسح الدمعة



امسح الدمعة حبيبي ولا تهون = يا حبيبي ليتني لحظة معاك


الحزن ما خلق للطرف الحنون = لا تعذبني ترى روحي فداك


تجرح بعينك نظر كل العيون = ولك عيوني في حمى الله ثم حماك


يا معذبني بحزنك لا تكون = من ضحايا اليأس في لحظة قواك


روحي أسرت لك ركايبها ظنون = فالها حبك وتهييمه هواك


والخوي الليل والعالم سكون = والطريق أعظم طريق لي عطاك


والمشاعر روض دج فيها بهون = زرعها حبك تينع في رضاك


والشعور أني أحبك وبجنون = شفني عذب الماء عسى تروي ضماك


أشكني ثم قاضني واحكم تكون = أنت ما لكني وملكي والملاك




إن عنيت اليوم



إن عنيت اليوم باكر ما عنيت = الهوى ما عادني ونفسي جزعت


الهوى ذقته بوقته واكتفيت = وما بقى من الحال له روحي رعت


كان مني يا غريبه لك حكيت = الحروف لبعضها جمله تبعت


القصد لا شي ولا لحاجه سعيت = الظروف اللي على الصدفه سعت


الحقيقه اني بوقتي سليت = الدقايق وقتها لي طاوعت


أبتديت بطيب و بنهي ما خطيت = حلوة الذكرى اللي منها طبعت


يا غريبه كان انا منك خذيت = العطايا احبالها منك قطعت


اشتري من يشتريني وإن عطيت = اعطي عيوني بنظره ما خدعت







خبروه



خبروه إني على وصله حييت = وان تفارقنا ترى موتي دنا


لي حبيب يوم روح ما سليت = يعلم الله تو ما ذقت العنا


عبرتي هليتها حزن وبكيت = يا ردى عمر الحسوفه ما جنا


ذقت من دنيا حبيبي وما ارتويت = جنة الدنيا حبيبي والمنا


عشت باحلام الهوى ليل وبنيت = كل أمالي تداركها الفنا


في حياتي ما ذكرت إني شكيت = في هوانا ضحكت الدنيا لنا


لا حياة عقب محبوبي رأيت = والممات أرحم ولا فرقا السنا


هو سنا شمسي وغيره ما هقيت = يفرح بوصلي لو موته دنا





صدق العطاء




أخاف اوادع وقتي اللي معك دام = واندم على شي هدمته بيديني


زود الهموم اللي علي تكفي إعدام = هذي حياتي بتنتهي وانتي تريني


حالي هزل والجسم ما تقواه الأقدام = واللي خفيته من أسى بين في عيني


ما ذقت من حبك سوى هجر والآم = صابر واقول إن كان به زود عطيني


صدق العطاء حظي معك طاح ما قام = درب الهنا في دنيتي وينه ويني


عن صدق أحساسك ترا ما نيب علام = يا عمري خلي قلبك القاسي يليني


ودي انتهي بعمري معك مجنون بسقام = ولا يتم فراقكم يا نور عيني


وأن مت يأهلي لجلها ما نيب منلام = ذي قسمتي عيني ترى رسم بجبيني




أمسح الدمعة



امسح الدمعة حبيبي ولا تهون = يا حبيبي ليتني لحظة معاك


الحزن ما خلق للطرف الحنون = لا تعذبني ترى روحي فداك


تجرح بعينك نظر كل العيون = ولك عيوني في حمى الله ثم حماك


يا معذبني بحزنك لا تكون = من ضحايا اليأس في لحظة قواك


روحي أسرت لك ركايبها ظنون = فالها حبك وتهييمه هواك


والخوي الليل والعالم سكون = والطريق أعظم طريق لي عطاك


والمشاعر روض دج فيها بهون = زرعها حبك تينع في رضاك


والشعور أني أحبك وبجنون = شفني عذب الماء عسى تروي ضماك


أشكني ثم قاضني واحكم تكون = أنت ما لكني وملكي والملاك

تسسسلم ابو عشتار....
عالروائع المميزه لبو نايف
تقبل طلتي ...

االله عليك الله شاعر جزل

مروركم ،،،،،رائع

رووعه صح لسان ابو نايف والشكر للي نقل الابيات لنا