قصيدة العشبان

الفكر هوجس من خرابيط وعلـــــوم ~
والصدر ضايق من غثى فلان وفـــــلان ~
من ضيقتي جيت اكتب القاف منظـــــوم ~
كارب طناب البيت من لحـــــن الاوزان ~
يابو جمال ارجوك لاتحطن بلـــــوم~
ودي اوضح شي(ن)لناس عميـــــان ~
عاشو لهم فترة تأمل مع حلـــــوم~
وكلن على مايشتهي يغني الحـــــان ~
ناسن عن التاريخ تهمشلنا وشـــــوم ~
وبالحق لعبو في تقاسيم
ميـــــزان ~
والحق لاهل الحق بين ومعلـــــوم~
مايختفي دامه تاريخن
وعنـــــوان~
بيتن بلا عمدان طايح
ومهـــــدوم~
وماتنبني البنيان من دون سيســـــان~
وجدودنا بخشم الزمن حطو اوســـــوم~
علومهم ماهي خفيه على انســـــان~
طيب وكرم فزعه لمن كان مضيـــــوم~
مع الحمايل كلها ربع
واخـــــوان~
وقصة ضيوف الشيخ تكفيك لليـــــوم~
يومن عطاهم واجبن دون نقصـــــان~
فعايله حيه لو ان كان
مرحـــــوم~
يكفيك فعله لاقلت أبن
عشبـــــاان~
تدرون لو ان امه بس جابته تـــــوم~!
محدن على الثاني من الناس زعـــــلان~
علـــي مع اعياله لهم فعل وعـــزوم ~
بالطيب طيب وبالشجاعات شجعـــــان~
قاضي حكيم يفك من كان مظلـــــوم~
شيخــة عداله مع رجوله مع ايمــــان~
وقت المراجل يطعم القوم علقـــــوم ~
طاريه لاهل العز مايختفي بـــــان~
يوم المعارك طاحنه لزو
القـــــوم~
مع اول العربان والجو
دخـــــان ~
وارحيــل اللي للفعل يقدم قــــدوم~
اعياله اللي علومهم جزل واسمـــــان~
الكل منهم للمهمات
زيـــــزوم~
وقت الملاقا بالمعارك لهم
شـــــان~
وابن المطر شلاش كم ساهر نجـــــوم~
يسري مساري الذيب والراس طنيـــــان~
خلف رجالن تفزع وتقضي لـــــزوم~
في جالهم ترتاح يوم الزمن شـــــان~
تاريخ واضح دون شرحن وتعلـــــوم~
مايكتفي بذكره من الشعر ديـــــوان~
ولو راحت قرومن يجي عقبها قـــــروم~
ماينقطع نبتن من المي
رويـــــان~
وعلى دروب جدودنا نمشي اسلـــــوم~
مانعتدي عالغير من دون برهـــــان~
ومن يعتدي عالغير بالناس مذمـــــوم~
لابد مايضرب على الراس ندمـــــان~
راس الجبل لو ياصله طاح مزمـــــوم~
يتعب طلوع الراس عزمن وسيقـــــان~
والحر حر ويجذبك داخل
الحـــــوم~
تقطع وراه دروب منت بخســـــران~
الصدق يبقى صدق وافي ومحشـــــوم~
والسيل لازم ينجمع وسط وديـــــان~
محنا من اللي لعزته ساوم الســـــوم~
ولانتبع الصيت المزيف والاعـــــلان~
والمشيخه ماهي بكشخات وهـــــدوم ~
ولاهي بكثر المال وركوب نيســـــان~
ولاهي على الاوراق توقيع وختـــــوم~
ولاهي قصورن تسكنه وسط عمـــــان~
الشيخه ورث جدود ماوده اعلـــــوم~
شيخـن يورث شيـخ من ماضي الازمـــان~
وثوبن ماهو ثوبك لو اتطول كمـــــوم~
مهما لبسته قالو الناس
عريـــــان~
هاذا كلامي قلته بشعر
مفهـــــوم~
مثل القهاوي لاسكبته
برســـــلان~
من راس شاعر بالقوافي رقا رجـــــوم~
ينسج كلامه نسج ويشد
قيفـــــان~

~~ الشــــاعر علــي عواد العشبــان الغيــــاث~~

ابن عشبان مواضيعك دايم متميزه
القصيده يستاهل راعيها قولة صح لسانك والنعم من اللي مدحهم
تقبلو مروري،،،،