قصيدة الغياث

لاتشتكي للناس من عثرة الكيـــــف
أشتك لواحــد يرتجــونه عبيــــده
وانكانها فزعات وأصلن وتعــــريف
خلك عنيد ولك قبيلــــه عنيــــده
اغيـاث ربعي وصلو المجد بالسيـــف
لا عزتهم بس قل ربعي سعيــــده
يوم الشدايد كل ابوهم ملاقيــــف
لا وقفو للصعب وقفـــه شديــــده
لمقابل العدوان دايم ملاهيــــف
واللي عداهم ينطعن في وريــــده
الله خلقهم للشجاعه مجــــاديف
دايم ولدهم بالمواقـــف وليــــده
بالطيب ربعي فوق كل التواصيــــف
ربي خلقهم بالصفات الحميــــده
قمرا على الساري ربيعن على الضيـــف
راحة عنى للـــي دياره بعيــــده
نجرن يغني والدلال المصافيــــف
وعقب السوالف جاك لحن القصيــــده
لجل المواجب ماتهم التكاليــــف
اطفرهم اللي صافح الطيب بيـــده
خويهم ياقوه من حرة الصيــــف
مثل الامانه عند وقت الوعيــــده
للضد ضـــد وللموالف مواليــــف
والمنظلم يبشـــر بفكاك قيــــده
اطيور حره فوق روس المشاريــــف
والحر مايخطي الفرايس بصيــــده
دايم بعيد عن الملامه مع الحيــــف
نمشي لوطنا دايم الدرب سيــــده
تشهدلنا الافعال من دون تزييــــف
يوم الخلايـــق قولها مايفيــــده
ماغيرتنا بالحضاره الزخاريــــف
طبع البداوه وللبـــداوه سنيــــده
من نسل شمر راعيين المواقيـــف
من ماضي الازمان ويشهد جديـــده
من غير قاصر بالقبايل وتصنيــــف
كل القبايل بالشجاعه مجيــــده
سلام ابن عشبان من غير تحريــــف
ياصل جميع قروم ربعي سعيــــده

اخوكم الشاعر علي عواد العشبان الغياثي

مبدع ياعلي
ماقصرت،،،،صح لسانك
تقبل مروري