حنا البداوه عزمنا يشبه جبال

ياصاحبي لايكون مغثوث لك بال=
سلم الشوارع غير سلم العشيره
=
لاتتعب التفكير في نبح الانـــذال =
خل القوافل ماشيه في مسيره =
خلك وسيع الصدر لاتقيس باميال =
دام الصغيره تغتــزم بالكبيــره =
مركب نجاحك لايهموه عـــذال =
ابحر تجاوز كل حسدن وغيـــره =
قرن الجهل ماينطح نطح بهبــال =
تايه مابين النور عينه ضريـــره =
حنا البداوه عزمنا يشبه جبـــال =
نثبت على الهزات لو هي خطيره=
لو انها بسيوف تشهدلنا افعـــال =
افعالنا كالشمس وسط الجزيره =
موقد شجاعه وبالفعل دوم شعال=
على العدو بالذات نارن سعيره =
ياما سمعنا بالبدو سيرة ابطـال =
افعالهم بالكون صارت شهيـره =
مشهودنا بالطيب دله وفنجــال
=
راحـــة عنانا يوم حنا نديـــره
=
طيبن مدسم مارتضى غير بجزال=
طيب البــداوه مايجف بغديـــره
=
مايدري ان البدو حلن وترحــال =
شبه الحرار تحوم في كل ديـره =
ماصدنا عن طبعنا لم الامــوال =
طبعن من المعبود مانستعيـره =
نفخر ونلبس ثوب وشماغ وعقال=
ماهمنا بااللبس موضه اخيـــره =
يلابسن عالخصر مشروع بنطال=
وبلوزتك عن ستر جسمك قصيره=
ماهاش من يلبس على العنق سلسال =
لنه بياخذ من طبايـع سميـــره =
ماعاد نفرق بين حرمه ورجال =
الصوت واحد والملامـح كثيــره =
لاتقلد اهل الغرب في لبس واشكال=
خلك مأأصل كان ودك ستيـــره =
ولاتقرب اللي بالخلا يجني جمال=
دامك بعينه ماتسـاوي بعيـــره =

=الشاعر علي العشبان الغياث=

والله ونعم ياسيد علي.......... ولاتحرمنا من اشعارك اللمميزة

حنا البداوه عزمنا يشبه جبـــال =
نثبت على الهزات لو هي خطيره



اي والله صح لسانك