قصيدة حليمه بولند

ياالي تقول ان الحلا في حليمه ~
ياالله عسى ربي من الشوف يعميك ~
عمرك سمعت ان الحلا في بهيمه ~
بهيمتن في شكلها الشوف مغويك ~
وين الحلا فيها و وين الحشيمه ~
الله باليها بالخساسه وباليك ~
قولة حلا فيها تراها ظليمه ~
والزين له ناسه عسى الله يهديك ~
الزين في بنت الرجال الكريمه ~
اللي على حق الشرف ماتخليك ~
اللي تسمى بالشهامه شهيمه ~
الزين فيها دون مكياج يكفيك ~
بناتنا ياجعلهن للغنيمه ~
احلا بنات الكون والحق يرضيك ~
نحمل لهن بقلوبنا كل قيمه ~
حنا ذراهن يوم خاب الرجا فيك ~
في عزهن يالله طلبتك تديمه ~
واستر شرفهن دام كل شي بيديك ~
وانا نويت اللي رضخ للهزيمه ~
اسمع كلامي زين من قبل لاانهيك ~
ماظنتي عقلك وعينك سليمه٠~
تحتاج منهو في كلامك يربيك ~
انت سقيم ومادحن لك سقيمه ~
حتى كلامك صار مثلك يوطيك ~
لحظه نبي نرجع عصور قديمه ~
بقول لك شي يهزك ويبكيك ~
شي يهز اهل العقول الفهيمه ~
ماكل شي بالمسمى يسميك ~
تدري وش اللي تستحق الحليمه ~
ام الرسول اطهر حليمه وتكفيك ~
العين تبكي من كلامك وضيمه ~
لكن عسى ربي بفعلك يجازيك ~
__
__
هاذي القصيده من قصايد الشاعر الكبير محمد بن فطيس المري__

صح لسان الشاعر بن فطيس

صح لسان شاعر المليون بن فطيس ونقل مميز يابو شوق